NHBBZk sustatzen duen esku hartzearen izaera osagarria eta subsidiarioa aintzat hartuta, Ikusmen Urritasuneko Taldeak ikasleekin aurrez aurre egiten du lan ikastetxeetan, aholkuak emanez eta neurriak hartuz, ikusteko desgaitasuna duten ikasleen inklusioa sustatzeko hezkuntza-, familia- eta gizarte-esparruan.
- Aurrez aurreko arreta, hain zuzen ere, Taldeak ikasleekin, ikastetxeetako profesionalekin eta familiarekin lan egitean datza, ikusmen desgaitasunaren alderdi espezifikoak lantzeko. Horrek lankidetzan aritzea eta eremu jakinei buruzko aholkularitza ematea dakar, baita braillera transkribatzea, materialak egokitzea eta sortzea ere. Horiez gain, ikasturte bakoitzean ikusteko desgaitasuna duten ikasleekin lan egiten duten profesionalek prestakuntza jasoko dute garatu beharreko teknikei eta programei buruz.
- Taldearen arretaren nolakotasuna eta intentsitatea determinatzean, hainbat faktore hartuko dira kontuan, hala nola desgaitasun maila, ikaslearen ezaugarriak eta kasu bakoitzaren baldintzak.
