Dokumentu honetan adierazitako esku-hartze ereduaren oinarri diren fundamentu teorikoen abiapuntua hauek dira: ikaskuntzaren legeak, jokabidearen ikerketa jokabidearen testuinguruari lotuta gauzatzen duen psikologia korrontea, eta honako honek esku hartzeko berezko dituen planteamenduak: ikuspegi kognitibo-konduktualak. Egitura epistemologiko hau honako puntu hauetan laburbiltzen da:
- Pentsatzen da ikergaia, esku hartzearen xedea, jokabidea dela, ulertuta azken hori jarduera behagarria, neurgarria eta funtzionalki aztergarria dela, subjektu bakoitza N=1 delako ikuspegitik, eta haren egungo adierazpenetan eta zirkunstantzietan oinarrituta.
- Jokabide gehienak, moldagarriak zein moldakaitzak, printzipio eta mekanismo bertsuen bidez eskuratzen, mantentzen eta aldatzen dira, eta beraz, kasu guztietan ere berrikaste bat ezar daiteke , banakoengan egokitze maila hobeak garatzeko.
- Inguruneak pertsonarengan duen eragina esperientziaz egiten dituen arreta, pertzepzio, interpretazio eta balorazio prozesuek zehazten dute, eta horrenbestez, prozesu kognitibo horiek gizabanakoak izanen dituen erantzun emozionalak, mugimenezkoak edo portaerazkoak zehazten dituzte.
- Giza portaerak erantzun fisiologikoak, mugimenezkoak eta kognitiboak biltzen ditu, zeinak gizabanakoaren nortasunaren adierazgarri baitira, ingurumenarekin dituen harremanen bidez.
- Errefortzua eta autoeraginkortasuna hautematen ditu subjektuak, eta horrek aurre egin behar dien egoeretan zer gaitasun sentimendu daukan zehazten dute.
- Esku hartzeak inguruneari eragin behar dio , subjektuei beren portaerak hobeto egokitzeko gaitasuna ematen dieten egoerak sortzeko.
- Tresna batzuk garatzen dira eredu kognitibotik: auto-jarraibideen erabilera, autokontrol eta garapen estrategiak eta pentsamendu arrazionalen erabilera, eta horiek guztiak zuzenean zuzentzen zaizkio subjektuari , tresnak izan ditzan portaera egokiagoa izaten laguntzeko.
- Eredu honen abiapuntuan honako planteamendu hau dago: laneko hipotesiak egiaztatu egiten dira jokabidearen azterketa funtzionalaren bidez.
- Esku hartzearen helburuak etengabe ebaluatzen dira , eta errealitatera egokitzen prozesuan zehar.
