Taldearen eginkizun nagusia da laguntza hezitzaile berezia behar dituzten ikasleei eman behar zaien arreta hezitzailea antolatzea eta koordinatzea haur eskola publikoetan.
LOMCE legeak eta 28/2007 Dekretuak arautzen dutenari begiratuta, Taldearen helburu orokorra da prebentzio lana eginen dela eta konpentsazio hezitzailea emanen dela bermatzea, haurraren garapenean izan daitezkeen alterazioei aitzintzeko. Arau horiek agintzen dutena betetzeko, ahalik eta goizen identifikatu eta baloratu behar dira haurren premia berariazkoak, premia horiek hautematen direnean esku hartzeko.
Taldeak 0-3 urte bitarteko haurrekin eta haien familiekin eta inguruneekin egiten diren esku-hartzeak lantzen ditu, haur horien premiei erantzuteko, hau da, haurrei eta familiei arreta osoa emateko estimulazio handiko testuinguruan, hau da, haur eskolan.
