Ikastetxeetan egiten ditugun jarduketek izan behar duten izaera osagarri eta subsidiarioarekin bat, taldeak esku-hartzea antolatuko du ikastetxetik jasotako eskaeraren arabera eta entzumen galeratik eratorritako ondorioen larritasunaren arabera.
Entzumen desgaitasun duten ikasleak eskolatuta dituzten ikastetxeekin taldeak burutu ditzakeen jarduketak ondokoak dira:
1.- HPBak ebaluatu, baloratu eta identifikatzen laguntzea
- Informazioa ematea ondokoari buruz:
- Ikasleak duen entzumen urritasunaren balizko ondorioak.
- Ikasle hauekin burutzen diren prozesu medikoak eta audioprotesikoak.
- Entzumenaren, mintzamenaren eta ahozko eta idatzizko hizkuntzaren garapenaren alderdiak ebaluatzeko materialak.
- Ikasle hauekin zer eta nola ebaluatu behar den aholkatzea, ikasleak garatu duen komunikazio modalitatearen, ahozko hizkuntzan duen gaitasunaren eta egiten ari den hezkuntza mailaren arabera.
- Ikasle hauen ebaluazioan aholkatzea, ahozko hizkuntzan gaitasun eskasa baitute.
2.- Eskolatzea orientatu eta planifikatzea
Ikastetxeko orientatzailearekin batera lan egitea informazioa biltzen eta hezkuntza premia bereziak baloratzen, ondokoak zehaztu eta proposatzeko helburuarekin:
- Egokiena den eskolatze modalitatea.
- Ikasleak behar duen komunikazio modalitatea.
- Ikasleak beharko dituen baliabide tekniko eta pertsonalak bere premia bereziei erantzun eta curriculuma bete ahal izateko.
3.- Hezkuntza erantzuna diseinatzen eta abian jartzen laguntzea
- Ikastetxeari informazioa ematea entzumen urritasunaren ondorioei eta ikasleak komunikazio eta hezkuntza mailan behar dituen doikuntzei buruz.
- Laguntzea curriculuma egokitzeko prozesuan eta jarduketen koordinazioan.
- Entzumen eta Hizkuntzako irakasleei laguntzea beren esparruko berariazko edukien programazioan.
- Ikasleei aholku ematea komunikazio estrategiak edo sistemak garatzean, berariazko metodologiak abian jartzean eta ebaluatzeko modu eta tresnak egokitzean.
- Aholku ematea material didaktikoak ikaslearentzat eta ikasgelarako egokitu, erabili eta prestatzearen gainean.
- Ikastetxeko orientatzaileari laguntzea ikasketen orientabidean.
- Ikasleak selektibitateko probetan edo heziketa zikloetan sartzeko probetan parte hartzeko behar dituen egokitzapenei buruz aholku ematea.
- Ikasgelarako eta entzumenaren errehabilitaziorako material teknikoa behar den baloratzea eta, beharrezkoa bada, mailegua kudeatzea.
4.- Logopedia eta hezkuntza esku-hartzerako berariazko planak diseinatzen laguntzea
- Ikaslearen irakasle taldeari aholku ematea komunikazio, metodologia eta curriculum egokitzapeneko estrategien gainean.
- Entzumen eta Hizkuntzako irakasleei aholku ematea programazio eta esku-hartze logopedikoaren alderdien gainean. Modu intentsiboagoan Haur Hezkuntzako etapan, entzumenaren eta hizkuntzaren garapena sustatu eta estimulatzea izan behar baitute lehentasunezko helburuak.
- Aldizka irakasleekin bilerak egitea jarduketak koordinatzeko, edukiak eta jarduerak hautatzeko, komunikazio sistema handigarriren bat abian jartzea errazteko, eta ikasleak behar dituen komunikazio doikuntzak eta metodologia egokitzapenak burutzeko.
- Maileguz ematea taldeak egokituriko materiala, ikaslearekin lan egiteko eredu gisa.
5.- Ikaslearen eta diseinaturiko jarduketen jarraipena egiten laguntzea
- Ikastetxeko orientatzailearekin koordinatzea eta ikaslea atenditzen duten profesionalekin bilerak egitea, ikaslearen eta diseinaturiko jarduketen eboluzioa ezagutzeko eta beharrezko informazioa emateko.
- Hizkuntzaren eta curriculumaren jarraipena egiteko fitxak ematea, ikaslearen eta egiten diren jarduketen informazioa biltzeko.
- Haur Hezkuntzako eta Lehen Hezkuntzako etapak bukatzean ebaluazio psikopedagogikoan aholku ematea, entzumen desgaitasun sakona izan eta ahozko hizkuntzan gaitasun eskasa agertzen duten ikasleen kasuan.
- Aholku ematea Lehen Hezkuntzako edo Derrigorrezko Bigarren Hezkuntzako etapen barnean zikloa bukatzen duten ikasleen entzumen eta hizkuntza ebaluatzean.
6.- Agiriak prestatzea eta informazioak, materialak eta esperientziak hedatzea
Beharrak baloratu eta identifikatzeko, curriculum erantzuna diseinatzeko, hezkuntza esku-hartzerako eta jarraipena egiteko prozesuetan ikastetxeetako profesionalak informatu, aholkatu eta laguntzera bideratutako agiriak sortzea eta informazioak, materialak eta esperientziak hedatzea.
7.- Familiari aholku ematen laguntzea
Ikastetxeko profesionalei laguntzea komunikazio estrategien eta doikuntzen eta seme/alabaren hizkuntza eta hezkuntzaren garapenaren gaineko informazioa eta aholkua ematen.
