Erasmus+ KA201
"Inclus 4 All" Proiektuko
Nazioz Gaindiko 1. Bilera
Lekua:
- Iruña, Espainia
Datak:
- 2019ko martxoak 6, 7 eta 8
Anfitrioa:
- NHBBZ
Bileran parte hartu dutenak:
- NHBBZ Iruñako ADE taldea
- Nafarroa – Hezkuntza Inklusiorako Bulegoa
- Modena Istituto Comprensivo 1
- Vilela Agrupamento Escolas
Iruña - 2019ko martxoa
Martxoak 6, asteazkena
Modenako eta Vilelako taldeak aurreko egunean iritsi dira Iruñera, asteazken goizean lehen orduan proiektuaren abiapuntua izango den hasierako bilera egin ahal izateko.
Bilera Nafarroako Gobernuko Hezkuntza Departamentuan egin da. Bertaratzen dira:
- Hezkuntzako zuzendari nagusia, Roberto Pérez Elorza
- Andres Domblás García, Antolamendu eta Aukera Berdintasunerako Zerbitzuko zuzendaria.
- NHBBZko zuzendaria, Josean Villanueva Liras.
- Nafarroako Eskola Kontseiluko lehendakaria, Aitor Etxarte Berezibar.
- Europako Proiektuen Bulegoko burua, Elisa Echenique Echenique.
- Proeducar-Hezigarri programan parte hartzen duten Nafarroako ikastetxeetako zuzendaritzak.
Harrera Nafarroako Gobernuko Hezkuntza Departamentuan
Lehenik eta behin, ongietorria eman zaie Italiako eta Portugalgo talde bazkideei eta proiektuaren inaugurazio saioan parte hartzen duten guztiei. Ondoren, bertaratutako agintariek hartzen dute hitza eta beren poza adierazten dute proiektu hori NHBBZren gidaritzapean dagoelako, eta adierazi dute garrantzitsua dela Nafarroa produktu intelektualak sortzea eskatzen duten Erasmus KA201- Hezkuntza Berrikuntzako Europako proiektuak – baten zentro koordinatzaile gisa estreinatzea.
Azkenik, Marivi López Gimeno proiektuaren koordinatzaileak, partzuergoa eratzeko prozesua, lortu nahi diren helburuak eta proiektuan zehar aurreikusitako jardueren kronograma azaldu ditu, 2021eko abuztuan amaitu arte.
Talde bazkideen kohesio jarduera
Ondoren, kohesio jarduera bat egiten da talde heterogeneoetan, talde bazkideak osatzen dituzten pertsonen eta ekitaldira joaten direnen arteko ezagutza errazteko. Horren ondoren, talde bazkide bakoitzak bere indarguneak eta partzuergoari ematen dizkion gaitasun profesional nagusiak partekatuko ditu.
Baita talde bazkide bakoitzaren berariazko eginkizunak ere proiektuan. Errepasoa eta zehaztapena.
Goizeko lanaldia amaitzeko, solasaldi dialogikoa egingo da “La Naturaleza del Aprendizaje” (OCDE) gida-laburpenari buruz.
Arratsaldean, talde bazkide bakoitza koordinatzen duten pertsonak kudeaketa ekonomiko eta administratiboaren inguruko gaiak jorratzeko elkartzen dira. Hau amaitzean, bazkide diren taldeekin Iruñera bisita gidatu bat egiten da, bazkide diren taldeek hiria eta bertako kultura eta ohitura adierazgarrienak ezagutu ditzaten.
Ibilbide turistikoa Iruñean
Martxoak 7, osteguna
Bigarren lan eguna talde kohesioko jarduera batekin hasten da. Garrantzitsua da hurrengo hiru urteetan elkarrekin lan egingo duten pertsona guztiek elkar ezagutzea eta adiskidetasun loturak sortzea, partzuergoaren lan ona errazteko. Produktu intelektualak sortzeko hartutako konpromisoa oso garrantzitsua da, eta lan giro onak taldeko kide izatea eta erantzukizun partekatua sustatzen ditu.
Erasmus+ KA201 "Inclus 4 All" proiektuko bazkide diren taldeak
Hasierako kohesio jardueraren ondoren, partzuergoko herrialde bakoitzean indarrean dagoen Inklusioari eta Aniztasunaren Arretari buruzko estatuko araudia berrikusten da. Espainiako bi taldeoi deigarrien egiten zaigun gauzetako bat da jakitea Italian ia 50 urte direla Hezkuntza Bereziko ikastetxerik ez dagoela, eta ikasle guztiak ikastetxe arruntetan eskolatuta daudela, erreferentziazko gela barruan beharrezko laguntzak jasoz. Era berean, pozten gaitu jakiteak Portugalen hezkuntza legeria berriak apustu sendoa egin duela ikasle guztien inklusioaren alde, ikasle kategoriak ezabatuz eta erantzun inklusiboa emanez, Esku hartzeari Erantzuna eredutzat hartuz (RTI – Ingelesezko siglak). Ezagutza hori oinarri izango dugu ikasle guztien hezkuntza aniztasunari arreta inklusiboa ematearen aldeko apustu irmoa egiten duten gure produktu intelektualen garapenean. Bilera honen bidez, partzuergoko Espainiako taldeak animatu nahi dira ikastetxeentzat, gutxienez Nafarroakoentzat, benetako eraldaketa bide bat ikustera, honek transferituta baititu Hezkuntzako kudeaketa administratibo eta ekonomikoak.
Ondoren, Escola Nova 21-k ikastetxeen autodiagnostikorako egin duen tresna zehatz-mehatz aztertzen da. Partzuergoaren ustez proiektuaren helburuekin zuzenean lotuta dauden lau irizpide nagusi hautatzen dira. Irizpide horiei doikuntzak eta ñabardurak egiten zaizkie ikastetxeetan hasierako diagnostiko ona erraztuko duen tresna eraginkor bat lortzeko.
Lan saioa amaitzeko, ikastetxeetan proiektua ezartzean aurreikusitako inpaktuak zehazten dira, eta aurreko jardueran hautatutako irizpide bakoitzerako azken lorpen adierazleak zehazten dira.
Italian, ia 50 urte dira Hezkuntza Bereziko ikastetxerik ez dagoela, eta ikasle guztiak ikastetxe arruntetan eskolatuta daude, erreferentziazko gela barruan behar adina laguntza dutelarik. Era berean, Portugalen hezkuntza legeria berriak apustu sendoa egin du ikasle guztien inklusioaren alde, ikasle kategoriak ezabatuz eta erantzun inklusiboa emanez, Esku hartzeari Erantzuna eredutzat hartuz (RTI – Ingelesezko siglak).
Martxoak 8, ostirala
Amara Berri ikastetxe publikoa, Donostian
Azken egunean, Espainian erreferentea den ikastetxe batera egin zen bisita, Amara-Berri ikastetxe publikoa. Goizeko lehen orduan Iruñetik Donostiara joan ziren aniztasunari arreta ematen laguntzen duten multzokatzeen, metodologien eta ebaluazio-sistemen erabileran 40 urte baino gehiagoko historia duen zentro berritzailea bisitatzera.
Amara Berri ikastetxe publikoa, Donostian
Emilio Martin Gonzalez zentroko zuzendariak eta Elena Guerrero González Amara-Berri sistemako aholkulariak egiten digute harrera. Hasierako agurrak eta aurkezpenak egin ondoren, bikote anfitrioiak proiektuaren oinarri pedagogikoak eta ibilbide historikoa azaldu ditu, Euskal Autonomia Erkidegoko 21 ikastetxe eta beste autonomia erkidego batzuetako zenbait hedapen biltzen dituen egungo sistema osatu arte.
Aurrerago, bisita bat egiten da ikastetxe osoan eta bertako instalazioetan, funtzionamendua in situ ikusteko.
Gero, hitzaldi-solasaldi bat egiten da zalantzak argitzeko, iritziak partekatzeko, proposamenak egiteko, etab.
Goizeko saio sutsuaren ondoren, bazkide guztiekin bazkaria eta bisita gidatua egiten dira Donostian, proiektuaren nazioz gaindiko lehen bilera bukatutzat emateko.
Erasmus+ “Inclus 4 all” programako bazkide guztiok lanean jarraituko dugu gure proiektu handian, eta 2019ko urrian berriro ikusiko dugu elkar Modenan.
ERASMUS+ KA201
- NHBBZ - Tajonar kalea 14, 31006 Iruña, Nafarroa
- +34 848 43 12 30
- mlopezgi@educacion.navarra.es