Hezkuntza Aniztasunari Arreta programak, hezkuntza inklusiboko programak eta proiektuak garatzen ditu ikastetxeetan eta horien eskaerei erantzuten die Haur Hezkuntzako, Lehen Hezkuntzako eta Bigarren Hezkuntzako etapetan.
Egiten dituen esku hartzeak ikastetxeen baliabide arruntetarako laguntza dira. Irakasleek, Hezkuntza Laguntzarako Unitateko koordinatzaileak eta Orientazio Departamentuek egindako eskarien aurrean modu osagarrian eta subsidiarioan jarduten da.
Lantaldetik egiten diren esku hartzeak honako hauek dira:
1. Ikastetxeko programen eta proiektuen jarraipena egitea inklusioa hobetzeko.
2. Prestakuntza hezkuntza inklusiboarekin lotutako antolamendu eta curriculum alderdietan
3. Honako gai hauetan esku hartzeko eskaerei erantzutea:
a) Estrategia metodologiko inklusiboak
b) Jarraipena eta ebaluazioa egiteko jarraibideak
c) Eskola-komunitateen barruko partaidetza prozesuak
d) Profesionalen arteko koordinazioa, prestakuntza eta trukea
Eskaeren erantzuna telefono bidez, e-mail bidez, CREENAn bilerak eginez edota zentrora bisitak eginez kudeatzen da. Taldeak hainbat baliabide eskaintzen ditu CREENAren web-orrian eta HAAk garatutako programen plataformetan, non materialen, esperientzien eta abarren trukea sustatzen den.