Modenako gure “Instituto comprensivo  N.1”, nahiko gaztea da, eta Modenako zonaldeko barrutiak Emilia Romagna-n 2014-2015 ikasturtean onartutako eskola berrantolaketarako tokiko plan batetik sortu zen. Aurretik Lehen Hezkuntzan bakarrik aritzen zen.

Gure eskola taldea Modenako ipar-ekialdean dago. Lau eskola primario ditu: Giovanni XXIII, Anna Frank, Lanfranco Cittanova-n eta Ciro Menotti Villanova-n. Bigarren Hezkuntzako zentro bat du ere. 1.200 ikasle ditu. Eskola primarioetan 722 ikasle daude, Bigarren hezkuntzan 425. Horietako asko atzerritarrak dira (199 atzerrian jaioak eta 136 Modenan jaioak baina familia migratzaileetakoak); desabantaila soziokulturala duen gutxiengo kultural bat ere badago (Rom eta SInti ijito-etniako ikasleak).

Desgaitasuna duten ikasleak ditugu (22). Gure institutuak administrazio bulego bat du, zuzendari batekin, finantza-buru batekin eta administrazioko 6 laguntzailerekin. Eskola bakoitzak jangela bat, gimnasio bat, IKT gela bat, laborategi zientifiko bat, liburutegi bat eta antzoki bat ditu. Eskola batzuetan, halaber, espazio egokiak daude desgaitasuna duten ikasleen errehabilitazio jarduera espezifikoetarako. Gure Institutuak prozedura inklusiboak garatu ditu, eta beti egin du jardunbide egokien erregistro inklusibo bat: alfabetatzea eta italiera bigarren hizkuntzako ikastaro moduan, alfabetatze-tasako laborategiak eta proiektuak eskola ordutegian, bai ikasle migratzaileentzat, bai italiarrentzat. Gainera, ekainean, ikasturtearen amaieran, errefortzu-eskola bat hasi genuen italieraz, trebetasunak hobetzeko. Praktika horiek  ikasle atzerritarren inklusioa sustatzeko egiten ditugu. Gure institutuan laguntza irakasle talde berezi batek ere lan egiten du, desgaitasuna duten ikasleei laguntza emateko inklusioari arreta berezia eskainiz. Talde honek irakasleei beren errutina didaktikoan laguntzen die, ikasle bakoitzak hezkuntza arrakasta lortzeko dituen gaitasunak garatzeko.

Gure institutua tokiko beste agentzia batzuekin lotuta dago, gizarteak gazteentzako zentro agregatzaile gisa ezagutzen dituena: doako gimnasioak, kiroldegiak eta liburutegiak. Gainera, gure eskolak akordio bat du irakasleak prestatzeko zentro batekin, MEMO izenekoa, Sergio Neri pedagogoak sortua; eta beste bat Modenako Unibertsitatearekin, Carlo Sigonio institutuarekin, praktiketako ikasleak jasotzeko. Eta Modena, Reggio Emilia eta Boloniako unibertsitateekin, irakasle-praktikak egiten dituzten ikasleak jasotzeko.

Gure institutua Madonnina inguruko hezkuntza eta kultura erreferentzia da,  zonalde horretako ikasleen hezkuntza beharrei erantzuna ematen dielarik.

Bestalde, ikasleen gaitasunak hobetzeko beharra ase nahi du, kontzientziaren gizartearen konplexutasunari heltzeko. Bikaintasunezko  gutxiengo bat ere badago, eta gure irakasleek arreta ematen diote, beren gaitasuna jarduera espezifiko eta esanguratsuekin estimulatuz.

Institutuaren jardunbide egokiak proiektuak sortuz azaleratzen dira. Proiektu horien helburuetako bat desgaitasuna duten ikasleek gelako proiektu horietan parte hartzea da,  beren ikaskideekin batera . Horrela, jarduerak esanguratsuak dira ikasle horientzat, eta inklusiboak talde osoarentzat.

Irakasleen didaktikari dagokionez, hainbat metodologia erabiltzen dira: CLIL planteamendua, ikaskuntza kooperatiboa, proiektuetan oinarritutako ikaskuntza eta gaitasunen ikaskuntza.

Irakasleen prestakuntza daukagu, Modena hiriko sarean aktibatzen diren prestakuntza ikastaroen bidez, Hezkuntza Ministerioak ordaindua, eta MEMOk antolatutako prestakuntzarekin.

Azken urteotan Europako finantzaketa lortu dugu hainbat diziplinatan indartze eta laguntza proiektuak aktibatzeko, PON. Horrela, ikasleen gaitasunak hobetu egin dira. Gainera, didaktika egiteko modua aldatzeko prestakuntzak izan diren tailerretarako material teknologiko-zientifiko berriak ezarri ditugu.

www.ic1modena.edu.it/